主页>V诗生活 >圣经咁大本的Bose SoundTouch 10

圣经咁大本的Bose SoundTouch 10

2020-06-26 | 文章出自:
圣经咁大本的Bose SoundTouch 10

美国影音品牌Bose嘅产品出名耐用,所以外形一直都以平实为主。最新SoundTouch 10无线喇叭嘅设计亦同样冇大突破,不过胜在将外观收细,即使唔係好似皇牌型号SoundLink Mini定位于便携性,但似足厚皮圣经咁大本嘅体积,算係几大惊喜。

虽然话就话圣经咁大本,但机身重量去到1.31kg,而且不设充电功能,所以用家都係安心将佢放喺屋企用,颜色方面就有黑、白两色可选。当中$1,680嘅售价话到畀大家知,产品定位为入门级数,之不过佢功能方面就绝不入门,例如配备2.5吋Unidome单元,加上自家数码音效处理技术,即使以蓝牙、Wi-Fi无线连接,亦可得到细緻声音表现。试听吴业坤〈原来她不够爱我〉,明显听到喇叭分析力几精準,连坤哥本身唱到高音会有「链住喉咙唱歌」嘅细节都可呈现,只係个人觉得如果置于稍为宽广嘅地方使用,音场会较为散乱,所以比较适合摆喺睡房、书房收听。

另外产品亦贯彻简易操作嘅特色,除了于机身设置6组预设接驳模式、蓝牙及音量调校几款实体快捷键外,亦配备大字型遥控器以便操控,如果本身有用开Spotify或网络收音机听歌嘅朋友,更可于机身作直接串流,更可同时用埋《SoundTouch》iOS/Android App拣歌播歌,但记紧要将喇叭及智能装置连接同一Wi-Fi,先能够顺利操作。

圣经咁大本的Bose SoundTouch 10
◆ 机面设有6组预设接驳模式、蓝牙及音量调校按键圣经咁大本的Bose SoundTouch 10
◆ 支援Wi-Fi、蓝牙或有线连接听歌圣经咁大本的Bose SoundTouch 10
◆ 机背设有低音反射孔圣经咁大本的Bose SoundTouch 10
◆ 可以AUX接驳较旧款之音乐播放器听歌圣经咁大本的Bose SoundTouch 10
◆ 可使用《SoundTouch》iOS/Android App进行选歌操控圣经咁大本的Bose SoundTouch 10
◆ 对应Spotify、网络收音机等串流播放圣经咁大本的Bose SoundTouch 10
◆ 即使配对多部喇叭播放,但箇中音量仍可独立调校

圣经咁大本的Bose SoundTouch 10◆ 黑色款同时有蓝边围绕耳罩,观感较man

同场加映:15分钟快充即听 Bose SoundLink II

虽然款耳机係承接系列无线喇叭嘅余威而推出,但佢都有唔少话呢值得留意之处。个人较buy嘅係白拼浅啡嘅柔和机身颜色配搭,以及用micro USB快充15分钟,即可听歌两个钟呢两种元素。毕竟普通出街听歌,主要係kill咗搭车见闷嘅时间就OK,除非係搭到机场咁远,否则两个钟听歌时间够晒来回车程用有余。至于试听歌曲就拣咗麦浚龙〈念念不忘〉,音效贯彻品牌耳机三频输出得来又稍稍偏重低音嘅风格,不过如果隔音方面可以做得更好,咁出街听歌嗰阵就真係可以「与世隔绝」!

圣经咁大本的Bose SoundTouch 10
◆ SoundLink II备有黑、白两色可选,定价$2,280圣经咁大本的Bose SoundTouch 10
◆ 将NFC手机轻拍耳罩上标誌範围,即可快速配对耳机圣经咁大本的Bose SoundTouch 10
◆ 音量键设于耳罩下方,操作颇顺手圣经咁大本的Bose SoundTouch 10
◆ 使用micro USB充电,约3小时便可full charge,快充15分钟都足够提供两小时续航能力圣经咁大本的Bose SoundTouch 10
◆ 软皮头垫虽触感舒适,但颇易沾上污垢圣经咁大本的Bose SoundTouch 10
◆ 头带设有约8段鬆紧调校

总结:

唔介意品牌产品外形平实嘅话,SoundTouch 10同SoundLink II都係值得入手嘅产品,净计音色、定价都较同类产品合理,而且表现已超越其入门定位。另外用开品牌产品嘅用家都知道佢以耐用见称,所以从未入手过无线音响产品嘅朋友,机会嚟啦!

Bose SoundTouch 10基本规格:

单元:2.5吋Unidome

无线连接:蓝牙、802.11 b/g/n

支援档案格式:MP3、WMA、AAC、Apple Loseless

端子:3.5mm、USB

体积:210 x 140 x 87mm

重量:1.31kg

查询: Bose (电话: 2110 3330)

定价: $1,680 (SoundTouch 10) / $2,280 (SoundLink II)