[CES 2017] 身价超过77万！Onkyo耳机贴满廿卡

喺普通人眼中发烧友郁啲用四、五位数买耳机好奢侈，咁Onkyo展出呢对耳机无疑会係奢侈品中嘅奢侈品。每一对以人手贴上大量真钻石，唔係施华洛世奇水晶嚟，价钱梗係你同我都负担唔起。

据报耳机一共镶有20卡钻石，GIA成色等别由G至H不等，净度VVS-VS。两边耳垫同样有真石外环点缀，为方便区分左右，右边外环改用红宝石，线位粒掣又係成层石喺度，头箍、头垫等则採用不鏽钢及皮革製作。根据客户不同自订选项，售价会介乎US$80,000-US$100,000，换做港纸等于$620,256-$775,320，但单元直径、频率响应、阻抗之类完全冇交待，仲唔俾人试听。或者就如Onkyo代表所讲：「规格并不重要」（The specs don't matter.），买嚟都係为咗收藏。